Проверете ги карактеристиките на дрвата од кои се изработуваат нашите маси:

• Орев – оревот е цврсто дрво со густа и хомогена зрнаста структура, отпорно на удар и пукнатини. Тој е единствено дрво со длабока темно кафеава боја, понекогаш со виолетови тонови и може да се полира до многу мазна површина што во комбинација со неговите карактеристични годови му дава вистински луксузен изглед.
• Даб – постојат две атрактивни нијанси на дабово дрво: светло жоленикава и црвенкаста. Има тесни жолтеникаво – бели годови, а средината на дрвото е со средно до темно кафеава боја. Дрвото е премногу цврсто, жилаво и тешко за обработка, но затоа и производите од даб се издржливи и се одликуваат со висока естетка вредност и истрајност.
• Маслинка – визуелно, маслиновото дрво има неверојатно богат и шарен изглед сo спротивставени кафеави линии и жолти ленти, што го прави совршен за употреба во украсни предмети. Дрвото од маслинка покрај рустичниот изглед е и многу отпорно на температурни промени, отпорно на влага и деформации. При обработка ослободува специфичен, пријатен и сладок мирис кој обично останува присутен во производите по неколку години.
• Цреша – дрвото од цреша се одликува со голема цврстина, лесно е за обработка, мазно е и лесно се полира поради што предметите изработени од овој материјал имаат совршено мазна сјајна површина. Се одликува со нежна и топла црвенкасто/розе боја, а низ историјата од дрвото на црешата биле изработувани висококвалитетни парчиња мебел кои ги краселе дворците и домовите на имотните луѓе.
• Посебен вид на јасика – меко дрво, лесно за обработка, кое со завршниот слој од епоксидна смола или специјални тврди масла, добива извонредна цврстина, ги добива сите својства на една луксузна долготрајна маса која е лесна за одржување и се одликува со карактеристичен и високо естетски изглед. Карактеристични за овој вид на дрво се темните јазли, пенливата текстура со сферични испакнатини, и седефастата светло-жолта боја која се добива по обработка на дрвото. Колку повеќе дрвото е украсено со овие „неправилности,“ толку е повеќе ценето и добива на убавина. Од друга страна, токму таа искривеност и испреплетеност дава густина на текстурата и поголема отпорност од разделување на дрвото. Поради својата необичност и уникатност, масите од овој специфичен вид на јасика прераснаа во вистински тренд и се едни од најпобаруваните и најексклузивните модели во Трилоџи.